Башкы прокуратура: Бишкек шаарынын УКМК башчысы Эльдар Жакыпбеков кармалды
Бишкек шаары боюнча УКМКнын башкармалыгынын мурдагы начальниги Эльдар Жакыпбеков кармалды. Бул маалыматты 16-февралда «Сводка АКИpress» редакциясына Башкы прокуратуранын басма сөз кызматы тастыктады.
«Тергөө иштери жүрүп жатат», — деп билдиришти көзөмөл органы.
Азырынча ага кандай айып тагылганы белгисиз.
Ошондой эле социалдык тармактарда ал атайын багыттагы күч түзүмдөрүнүн коштоосунда отурган сүрөтү тарады.
Жакыпбеков Бишкек шаардык УКМК башкармалыгын 2025-жылдын 3-декабрында жетектей баштаган.
13-февралда анын ээлеген кызматынан бошотулганы белгилүү болуп, анын ордуна Улан Бийбосунов дайындалган. Бийбосунов буга чейин Ички иштер министрлигинин Ички иликтөө кызматын жетектеп келген.
Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.