Министрлер кабинети иш сапарда суткалык акы кайсы чыгымдарды жабарын тактады
Министрлер кабинети иш сапарларындагы суткалык чыгымдар түшүнүгүн тактады.
Тиешелүү № 684 токтом 2026-жылдын 9-октябрында кабыл алынган.
Өзгөртүүлөргө ылайык, суткалык акы кызматкердин иш сапар учурундагы жеке чыгымдарын жабуучу төлөм катары аныкталды. Аларга тиричилик муктаждыктары, тамак-аш жана иш сапар жеринин чегиндеги жол кире кирет.
Өзгөртүү Министрлер кабинетинин 2025-жылдын 4-декабрындагы № 778 «Иш сапар чыгымдарынын ченемдерин белгилөө жана аларды төлөп берүүнүн тартиби жөнүндө» токтомуна киргизилди.
Ошол эле учурда суткалык акынын өлчөмдөрү өзгөргөн жок. Кыргызстандын ичиндеги иш сапарлар үчүн алар төмөнкүдөй:
- аймактарда суткасына 1000 сом,
- Бишкекте 1200 сом.
Турак жай жана жол кире чыгымдары өзүнчө жөнгө салынат.
Токтом 13-октябрда жарыяланган жана расмий жарыялангандан жети күн өткөндөн кийин күчүнө кирет.
Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.

