Ошто жаштар жаңы медиа тармагында окуулардан өтүштү

18-февраль күнү Ош шаарында «Ойлон/Ойгон» жаштар медиахабы долбоорунун жыйынтыгы чыгарылып, жетишкендиктери жана келечеги талкууланган отчеттук иш-чарасын өткөрүлдү.Бул тууралуу аталган  долбоордун өкүлдөрү билдирди.

Маалыматка караганда, иш-чарага Ош шаарынын тышкы байланыштар, инвестиция, туризм бөлүмүнүн башчысы Мирлан Исраилов, Маданият, маалымат, спорт жана жаштар саясаты министрлигинин өкүлдөрү жана долбоордун өнөктөштөрү катышышты.

«Долбоор жаштардын өзүн-өзү өнүктүрүүсүнө жардам берип,технологияларды пайдаланып, коомго оң өзгөрүүлөрдү алып келүүгө мүмкүнчүлүк түзүп бере алды. Мындан ары Ош шаарындагы дилгир жаштарга багыт берген жана аларды окутууга ачык медиа мектепти түзө алдык», – деди демилгенин жетекчиси Бекзат Бахрамов.

Бул демилге «Активдүү волонтерлор» коомдук фонду тарабынан«Энактас Кыргызстан» уюмунун колдоосу жана Европа Биримдигинин каржылоосу менен «Жаштар санариптештирүү, лидерлик жана жашыл көндүмдөр үчүн» долбоорунун алкагында ишке ашырылды.