Жапаров кыргызстандыктарды балдардын тарбиясына, билимине жана ден соолугуна болгон мамилесин кайра карап чыгууга чакырды

Президент Садыр Жапаров жарандарды балдардын тарбиясына, сапаттуу билимге жана ден соолукка көбүрөөк көңүл бурууга чакырды.

Ал айтымында, дал ушул багыттар ар бир кыргызстандык үчүн эң жогорку баалуулуктар болушу керек.

Мамлекет башчысы «Ала-Арча» мамлекеттик резиденциясында социалдык объектилердин ачылышында сүйлөп жатып, балдар — өлкөнүн жалпы келечеги экенин, ал эми билимдүү, тарбиялуу жана мекенине берилген жарандарды тарбиялоо үй-бүлөлүк тарбияга, мектептин колдоосуна жана мугалимдердин эмгегине болгон урмат-сыйга жараша калыптана турганын белгиледи.

Президент мамлекет бардык аймактарда заманбап мектептерди, бала бакчаларды жана медициналык мекемелерди курууну улантып, ар бир адамдын билим алуу жана саламаттыкты сактоо укугун камсыздай турганын айтты.

«Мен бекем ишенем: билимдүү жана ден соолугу чың коом гана бекем мамлекет кура алат», — деди Садыр Жапаров.