Кабардино-Балкариядан чыккан күрөшчү Кыргызстандын курамасы үчүн биринчи медалды жеңип алды

Эркин күрөш боюнча балбан Малик Шаваев Кыргызстандын курама командасынын атынан алгачкы медалын утуп алды.

2025-жылдын аягында Орусиянын эки жолку чемпиону Малик Шаваевге Кыргызстан үчүн мелдештерге катышууга уруксат берилген. Ал эми декабрь айында Кыргызстандын чемпионатында жеңишке жеткен.

Январь айында кабардино-балкар күрөш мектебинин тарбиялануучусу Түркияда өткөн Yasar Dogu аттуу эл аралык турнирге Кыргызстандын курама командасынын курамында катышты. Ал 86 кг салмак категориясында күч сынашып, мелдешти 1/8 финалдан баштаган.

Шаваев адегенде Түркиянын өкүлүн 9:5 эсеби менен жеңип, андан соң Албаниядан келген балбанды 12:2 эсеби менен уткан.

Жарым финалда кыргызстандык балбан дагы бир түрк спортчусун 10:0 эсеби менен жеңип, финалга чыкты.

Финалдык таймашта Малик Шаваев Ирандын балбаны менен беттешип, 1:4 эсеби менен жеңилип, күмүш медалга ээ болду.

Бул медаль Малик Шаваев үчүн Кыргызстандын курама командасынын курамындагы алгачкы медалы болуп калды.