Азия Кубогу: Алгачкы эки чейрек финалист белгилүү болду
Футзал боюнча Азия Кубогунун (Индонезия) плей-офф баскычына чыккан алгачкы эки команда белгилүү болду.
29-январда А жана В тайпаларында экинчи турдун беттештери өттү.
В тайпасында Вьетнам жана Таиланд курама командалары экинчи иреттен жеңишке жетип, 1/4 финалга мөөнөтүнөн мурда жолдомо алышты.
Тайпалык этаптын акыркы турунда, 21-январда, бул эки команда өз ара беттешип, тайпадагы биринчи орунду аныкташат.
Ал эми Ливан менен Кувейт эки оюнда тең утулуп, плей-оффко чыгуу мүмкүнчүлүгүнөн ажырашты.
Плей-офф баскычында Таиланд жана Вьетнам А тайпасындагы эң мыкты эки командага каршы ойношот. Бул тайпада Кыргызстандын курама командасы да күч сынашууда.
Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.
