Айсулуу Мукашеванын өлтүрдү делген Кумарбек Абдыров тергөө абагында каза болгону тастыкталды

ЖАМКтын басма сөз кызматы СИЗО-1де кармалып турган, 1984-жылы туулган Кумарбек Абдыровдун өлүмү боюнча маалымат берди.

Анын сөөгү 7-февралда болжол менен саат 12:30 чамасында камеранын ичиндеги темир тор эшиктен табылган. Ал өзүнүн шымын пайдаланып асынып алган.

Дарыгерлер көрсөткөн алгачкы жардамга карабастан, Абдыров каза болгон.

Окуя болгон жерге ЖАМКтын тергөө-ыкчам тобу жана атайын прокуратура кызматкерлери келишкен. Бул факт боюнча сотко чейинки текшерүү иштери башталып, анын алкагында тиешелүү экспертизалар дайындалды.

ЖАМК билдиргендей, Абдыров 2025-жылдын 17-декабрында Бишкек ШИИБинен аларга өткөрүлүп берилген. Ал кыз-келиндерге карата бир нече зордуктоо жана өлтүрүү фактылары боюнча айыпталууда. Таксист болуп көрүнүп, аларды унаасына отургузуп, кылмыштарды жасаганы айтылат. Анын курмандыктарынын арасында Камила Дүйшебаева жана Айсулуу Мукашева бар.