Кутман Усупхожаев Ташкенттеги мелдеште атаандашын экинчи раундда муунту ыкмасы менен жеңди

Кыргызстандын спортчусу Кутман Усупхожаев (5-1-1) Өзбекстанда өткөн эл аралык ММА турниринде жеңишке жетти.

3-апрелде Ташкент шаарында Octagon 85 мушкерлер лигасынын кезектеги турнири уюштурулду.

Усупхожаев алдын ала беттештердин алкагында октагонго чыгып, өзбекстандык Бобиржон Исроилов (1-1) менен кармашты.

Экинчи раунддун аякташына бир мүнөт калганда кыргызстандык муунтуу ыкмасын ийгиликтүү колдонуп, атаандашы багынып берди.

Бул жеңиш Усупхожаев үчүн профессионалдык карьерасындагы бешинчи жеңиш болуп калды.