Дүйнөлүк чемпионат: Кыргызстандын курамасы Болгарияны утту
Кыргызстандын хоккей боюнча улуттук курама командасы 2026-жылдагы дүйнө чемпионатын ийгиликтүү баштады.
Экинчи дивизиондун (В тобу) командаларынын мелдеши 6-апрелде Болгариянын София шаарында старт алды.
Биринчи турда кыргызстандыктар аянт ээлери менен беттешип, 5:3 эсебинде жеңишке жетишти.
Кыргызстандын курамында Мамед Сейфулов менен Александр Титов экиден шайба киргизишти. Дагы бир шайбаны Абдумалик Сапитов жаратты.
Бул жеңиштен кийин Кыргызстандын курама командасы 3 упай топтоп, турнирдик таблицада лидерликке чыкты.
7-апрелде экинчи турдун алкагында Кыргызстан курама командасы Кытай Тайбэйинин командасы менен ойнойт.
Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.