Кыргызстандык футболчу Нурсултан Алишеров Орусиядагы клубу үчүн дебюттук голун киргизди
Кыргызстандык Нурсултан Алишеров Москвадагы «Спартактын» жаштар курамындагы алгачкы голун киргизди.
Орусиянын жаштар чемпионатынын 10-турунда «Спартак U-19» конокто «Уралдын» теңтуштарына каршы оюн өткөрдү.
Алишеров беттешти негизги курамда баштап, 33-мүнөттө эле голдук пас берүү менен айырмаланды.
Экинчи таймдын 65-мүнөтүндө кыргызстандык футболчу алыстан так сокку узатып, эсепти 3:0 кылды.
Бирок андан кийин «Урал» 11 мүнөттүн ичинде үч гол киргизип, жеңилүүдөн кутулуп кетти.
Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.

