Кыргызстандык балбандар Монголияда өткөн рейтингдик мелдештин биринчи күнүндө эле 5 медалга ээ болушту

Кыргызстандын балбандары Монголияда өтүп жаткан спорттук күрөш боюнча рейтингдик турнирдин биринчи күнүндө беш медаль жеңишти.

Ulaanbaatar Open турнири 4-июнда Монголиянын Улан-Батор шаарында старт алды. Мелдештин алгачкы күнүндө грек-рим күрөшү боюнча жети салмак категориясында медалдар ойнотулду.

Кыргызстандан күч сынашкан алты балбан бир күмүш жана төрт коло медаль утууга жетишти.

Жыйынтыктар:

72 кг салмакта

  • Жантөрө Мирзалиев — 3-орун
  • Аманат Самат уулу — 3-орун
  • Амантур Исмаилов — 7-орун

77 кг салмакта

  • Бекзат Орункул уулу — 3-орун

82 кг салмакта

* Имур Темирбеков — 3-орун

87 кг салмакта

  • Азат Салидинов — 2-орун

Ошентип, мелдештин биринчи күнүнүн жыйынтыгында кыргызстандык балбандар беш медаль жеңип, турнирди ийгиликтүү башташты.

Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.

Бөлүшүңүз:
Дагы окуңуз:

Комментарий калтырыңыз

Каттоодон өткөн гана окурман комментарий калтыра алат.
Каттоодон өтүңүз же сайттан авторизация кылыңыз