Камчыбек Ташиев Бишкек сотуна даттанды
Камчыбек Ташиев өзүнө карата чыккан өкүм боюнча Бишкек шаардык сотуна даттанды. Бул тууралуу 30-июлда «АКИpress» редакциясына анын жактоочусу Икрамидин Айткулов билдирди.
2-июлда Биринчи май райондук соту 8 адамга карата өкүм чыгарган:
- Министрлер кабинетинин төрагасынын мурдагы орун басары - УКМКнын мурдагы төрагасы — Камчыбек Ташиев;
- мурдагы башкы прокурор жана мурдагы депутат — Курманкул Зулушев;
- парламенттин мурдагы төрагасы — Нурланбек Тургунбек уулу;
- ички иштер министринин мурдагы орун басары — Курсан Асанов;
- мурдагы депутат — Аалы Карашев;
- саясатчы — Эмилбек Узакбаев;
- саясатчы — Бекболот Талгарбеков;
- президенттин парламенттеги мурдагы ыйгарым укуктуу өкүлү — Курманбек Дыйканбаев.
Алардын баары «кызмат абалынан кыянаттык менен пайдалануу» беренеси боюнча акталышкан, бирок бийликти күч менен басып алууга күнөөлүү деп табылган. Аларга 3 жылга шарттуу жаза берилген.
Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.

