АКШ чейрек кылым дегенде Ирактан аскерлерин чыгарды

АКШ жана анын өнөктөштөрү Ирактагы «Бекем чечим» аскердик операциясын расмий түрдө аяктады. Тиешелүү билдирүүнү Пентагондун басма сөз катчысы Шон Парнелл жарыялады. Операция 2014-жылы «Ислам мамлекети» террордук уюмуна каршы күрөшүү үчүн башталган.

«Коалициянын күчтөрүн жана техникаларын «Эрбил» авиабазасынан иреттүү түрдө чыгарып кетүү аскердик миссиянын ийгиликтүү аяктагандыгын белгилейт. Бул миссиянын жүрүшүндө Иракта «Ислам мамлекети» талкаланды.

Операция АКШ менен Ирактын 2024-жылдын сентябрындагы биргелешкен билдирүүсүнө ылайык жана америкалык улуттук кызыкчылыктарды камсыз кылуу максатында аяктады», - деп белгиледи Парнелл.

Анын айтымында, Пентагон Ирактын күчтөрү, анын ичинде ирактык Курдистан, өлкөнүн коопсуздугун камсыз кылууда мындан ары алдыңкы ролду жана террордук уюмдун калдыктарын басууну өз мойнуна алат деп күтөт. АКШ кадрларды даярдоо жана чалгындоо маалыматтары менен бөлүшүү аркылуу жардам көрсөтүүнү улантат.

Америкалык аскерлер Иракта 2003-жылдан бери турган. 2007-жылы террорго каршы операциялар көбөйгөндө алардын саны 170 миң адамдан ашкан, андан кийин 2011-жылы кыскартылган. 2014-жылы террористтер менен күрөшүү үчүн контингент кайрадан көбөйтүлүп, 2021-жылга карата согушкерлер ээлеп турган аймактарын көзөмөлдөн чыгарган. Ошол убакта Иракта АКШнын 2,5 миң аскер кызматкери болгон.

2024-жылы АКШ менен Ирак америкалык аскерлерди этап-этабы менен чыгарып кетүү боюнча макулдашууга жетишкен. 2026-жылдын июль айында АКШ президенти Дональд Трамп Ирактагы америкалык аскер кызматкерлери мындан ары кереги жок деп билдирген.

Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.

Бөлүшүңүз:
Дагы окуңуз:

Комментарий калтырыңыз

Каттоодон өткөн гана окурман комментарий калтыра алат.
Каттоодон өтүңүз же сайттан авторизация кылыңыз