Жапаров Казакстандын президенти аталды: Пашинян мамлекеттик протокол кызматынын жетекчиси Гагик Ваноянды кызматтан бошотту
Армениянын премьер-министри Никол Пашинян мамлекеттик протокол кызматынын жетекчиси Гагик Ваноянды кызматтан бошотту.
Маалыматка ылайык, чечимди кабыл алууга «Мамлекеттик кызмат жөнүндө» мыйзамдын 9-беренесинин 7-бөлүгү негиз болгон.
Буга чейин, 17-октябрда Пашинян Ереванда Кыргызстандын президенти Садыр Жапаровду кабыл алып жатып, кагаздан текстти окуп жатканда аны жаңылыштык менен «Казакстандын президенти» деп атаган. Жалпыга маалымдоо каражаттары протокол кызматынын жетекчисинин кызматтан кетишин ушул катачылык менен байланыштырышууда, бирок буга расмий ырастоо боло элек.
Ваноян бул кызматты 2022-жылдын декабрынан бери жетектеп келген жана 2026-жылдын 28-августунда бул кызматка кайрадан дайындалган. Аталган кызмат жогорку даражалуу делегациялардын Арменияга сапарларын протоколдук жактан даярдоого жана эл аралык расмий иш-чараларды уюштурууга жооптуу.
Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.

