Садыр Жапаров Габала шаарындагы ТМУнун мамлекет башчыларынын саммитине катышууда

Кыргыз Республикасынын Президенти Садыр Жапаров бүгүн, 7-октябрда, Азербайжандын Габала шаарында өтүп жаткан Түрк мамлекеттер уюмунун мамлекет башчыларынын кезектеги саммитине катышууда. Иш-чара Гейдар Алиев атындагы конгресс-борбордо өтүп жатат.

Саммиттин алдында мамлекет башчысын Азербайжан Республикасынын Президенти Ильхам Алиев расмий түрдө тосуп алды. Саламдашуу аземи жана биргелешкен сүрөткө түшүү иш-чарасынан кийин делегация башчылары жыйындын пленардык бөлүгүнө өтүштү.