2026-жылдан тартып мөөнөтсүз берилген айдоочулук күбөлүктөр алмаштырылат

2026-жылдан тарта бардык мөөнөтсүз үлгүдөгү айдоочулук күбөлүктөр эл аралык стандарттарга ылайык 10 жылдык мөөнөттүү күбөлүктөргө алмаштырылат. Бул тууралуу президенттин иштер башкаруучусу Каныбек Туманбаев 3-ноябрда журналисттерге билдирди.

Анын айтымында, учурдагы 10 жылдык мөөнөттүү айдоочулук күбөлүктөрдүн ээси болгон жарандар аларды мөөнөтү бүткөнчө колдонсо болот.

Ошондой эле ал унаалардын техникалык паспорттору жаңы форматка өткөрүлөрүн кошумчалады — кагаз түрүндөгү документтердин ордуна «Түндүк» тутумуна интеграцияланган пластикалык карталар киргизилет.