Кыргызстандын кыз-келиндер курамасы Ислам оюндарында 4-орунунга ээ болушту

Сауд Арабиясында өткөн Ислам тилектештиги оюндарында Кыргызстандын кыз-келиндерден куралган эркин күрөш боюнча улуттук командасы жалпы командалык эсепте 4-орунду ээледи.

Аялдар арасындагы мелдештер 19-20-ноябрда өтүп, олимпиадалык салмак категориялар боюнча 6 топтом медаль ойнотулду.

Кыргызстандын курамасында төрт спортчу катышып, жалпы үч медаль утуп алышты — экөө алтын, бири коло.

Командалык эсепте улуттук курама 77 упай топтоп, 16 команда арасында 4-орунга жайгашты.