Мурда Кыргызстандын экономикасы мафиянын таасиринен улам 40% көмүскөдө болчу, - Шыкмаматов

Мамлекеттик салык кызматынын төрагасы Алмамбет Шыкмаматов 2026-жылдын 3-апрелинде радио эфиринде мурда Дүйнөлүк банк Кыргызстандагы көмүскө экономиканын көлөмүн 40% деп баалаганын билдирди.

Анын айтымында, мындай жогорку көрсөткүч өлкөдөгү ар кандай мафиялык түзүмдөрдүн ишмердүүлүгүнө байланыштуу болгон.

Мисал катары ал Бажы кызматындагы кырдаалды келтирип, анын сөзүнө караганда, ал жакта Райым Матраимовдун катышуусу менен мафия иштеп келген.

«Азыр андай деңгээлдеги коррупция жок. Бизнес акырындап көмүскөдөн чыгып жатат, мунун натыйжасында Бажы кызматынан түшкөн кирешелер да кыйла өстү», — деди Салык кызматынын башчысы.

Шыкмаматов ошондой эле конкреттүү оң мисалдарды келтирди. Салык режимин жеңилдеткенден кийин «Дордой» базарынан бюджетке түшкөн каражат 600 миллион сомдон 1,3 миллиард сомго чейин көбөйгөн.

Ушундай эле көрүнүш «Кара-Суу» базарында да байкалууда — ал жакта салык түшүүлөр эки эсеге өскөн.