Трамптын журналисттер менен болгон кечки жыйынында ок чыгарган адам калифорниялык мугалими болуп чыкты

Ак үйдүн корреспонденттер ассоциациясы уюштурган кечки тамак учурунда, Дональд Трамп катышкан иш-чарада ок аткан адам 31 жаштагы калифорниялык Коул Аллен экени аныкталды. Бул тууралуу CNN жана New York Post укук коргоо органдарындагы булактарга таянып кабарлашты.

Аллен — 2017-жылы Калифорния технологиялык институтун бүтүргөн. Ал машина куруу багыты боюнча бакалавр даражасына ээ. Студент кезинде майыптар арабасына арналган авариялык тормоз системасын иштеп чыгып, жергиликтүү жаңылыктарда да айтылган.

Анын LinkedIn баракчасына ылайык, Аллен C2 Education компаниясында репетитор болуп иштеген. 2024-жылдын декабрында ал «айдын мугалими» деп табылган. Мындан тышкары, ал видеоюн иштеп чыгууга кызыгып, 2018-жылы Steam платформасында инди-оюн чыгарган, ал азыркыга чейин 1,99 долларга сатылууда.

Аллен демократтарды колдойт: Федералдык шайлоо комиссиясынын маалыматына ылайык, ал 2024-жылдын октябрында Камала Харристин президенттик кампаниясына 25 доллар кайрымдуулук кылган.

Федералдык прокурор Жанин Пирро билдиргендей, шектүү дүйшөмбү күнү сот алдына чыгат. Ага ок атуучу куралды колдонуу менен зордук-зомбулук кылмышын жасоо жана офицерге кол салуу беренелери боюнча айып тагылат.

Аллен ок атууну Washington Hilton мейманканасынын банкет залынын кире беришинде баштаган. Ал жерде пресс-кечки тамак өтүп жаткан. Окуя учурунда АКШнын жашыруун кызмат кызматкеринин бири жаракат алган — ок анын бронежилетине тийип, өмүрүнө коркунуч жаралган эмес. Кол салуунун себептери азырынча белгисиз, бирок Трамп бул окуяны Ирандагы кырдаал менен байланыштырбай турганын билдирген.

Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.

Бөлүшүңүз:
Дагы окуңуз:

Комментарий калтырыңыз

Каттоодон өткөн гана окурман комментарий калтыра алат.
Каттоодон өтүңүз же сайттан авторизация кылыңыз