Анвар Хожиев бокс боюнча дүйнөлүк кубоктун коло медалына ээ болду
Кыргызстандык мушкер Анвар Хожиев Бразилияда өткөн бокс боюнча Дүйнө кубогунда 3-орунду ээледи.
2026-жылдагы Дүйнө кубогунун биринчи этабы World Boxing версиясы боюнча 20–26-апрелде Фош-ду-Игуасу шаарында өттү.
Хожиев 50 кг чейин салмак категориясында күч сынашып, мелдешти 1/8 финалдан баштады.
Алгачкы беттешинде ал Япониялык мушкерди жеңсе, чейрек финалда Австралия өкүлүн утуп чыкты.
Жарым финалда ал Азербайжандын боксчусу менен беттешип, калыстардын бөлүнгөн чечими менен утулуп калды.
Жыйынтыгында Анвар Ходжиев 3-орунду ээлеп, коло медаль утту.
Бул турнирге Кыргызстандан башкы машыктыруучу Данияр Төлөгөн уулу жетектеген төрт спортчу катышкан.
50 кг чейин салмак категориясы
1/8 финал
Анвар Ходжиев — Даити Аваи (Япония)
Эсеп: 3:2 (30-27, 30-27, 28-29, 27-30, 29-28)
Чейрек финал
Анвар Ходжиев — Айзаз Омер (Австралия)
Эсеп: 3:2 (30-27, 29-28, 28-29, 29-28, 28-29)
Жарым финал
Субхан Мамедов (Азербайжан) — Анвар Ходжиев
Эсеп: 4:1 (30-27, 30-27, 30-27, 30-27, 28-29).
Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.

