"Чоң жетилик" эгер Орусия ок атышууну токтотпосо, жаңы санкцияларга кабыларын эскертти
"Чоң жетилик" (G7) өлкөлөрүнун тышкы иштер министрлери Канадада өткөн жыйынында, эгерде Орусия Украина менен ок атышууну токтотуудан баш тартса, ага карата кошумча санкциялар киргизүү мүмкүнчүлүгүн талкуулашты. Бул тууралуу саммиттин жыйынтыгы боюнча жарыяланган билдирүүдө айтылат.G7 мүчөлөрү Украинаны колдоого алган позициясын дагы бир жолу тастыкташты жана Киевдин АКШ сунуштаган 30 күндүк ок атышууну токтотууга макул болгонун кубатташты. Ошондой эле алар Орусияны да жооп кылып, тең шарттарда ок атышууну токтотууга макул болууга жана аны толук аткарууга чакырышты.
«Эгерде ок атышууну токтотуу боюнча келишимге жетишилбесе, биз Орусияга карата кошумча чектөөлөрдү киргизүүнү, анын ичинде кошумча санкцияларды, мунай баасына чектөөлөрдү киргизүүнү жана Украинага кошумча колдоо көрсөтүүнү карап жатабыз», — деп айтылат документте.
Ошондой эле, мүмкүн болгон чаралардын катарында Орусиянын тоңдурулган активдеринен түшкөн кирешелерди колдонуу маселеси да талкууланды.
Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.
