Кыргызстандын грек-рим күрөшү боюнча командасы Монголиядагы мелдеште 2-орунду багындырды
Кыргызстандын грек-рим күрөшү боюнча улуттук курама командасы Монголияда өткөн эл аралык рейтингдик мелдеште командалык эсепте экинчи орунду ээледи.
4–7-июнь күндөрү Монголиянын борбору Улан-Батор шаарында Ulaanbaatar Open рейтингдик турнири өттү.
Грек-рим күрөшү боюнча мелдештерде жалпысынан 10 салмак категориясында медалдар ойнотулуп, Кыргызстан намысын 8 балбан коргоду.
Мелдештин жыйынтыгында кыргызстандык балбандар 7 медаль жеңип алышып, 105 упай топтошту. Натыйжада Кыргызстандын курама командасы 13 өлкөнүн арасында командалык эсепте экинчи орунду камсыз кылды.
Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.


