Чоң-Алайда жаш өспүрүм сууга чөгүп каза болду
Иллюстрациялык сүрөт
Чоң-Алай районунда жаш өспүрүм сууга чөгүп каза болгон. Бул тууралуу "Турмуш" басылмасы өздүк булактарына шилтеме берип жазды.
Алдын ала маалыматка караганда, бала Чоң-Алай районундагы Кызыл-Суу дарыясына чөгүп кеткен.
Ош ОИИБдин басма сөз кызматы бул маалыматты тастыктап, төмөнкүлөрдү кабарлады.
2025-жылдын 4-май күнү Чоң-Алай райондук ички иштер бөлүмүнө Чоң-Алай айыл аймагында жаш өспүрүм сууга түшүп окуя болгон жерде каза болгондугу боюнча маалымат келип түшкөн.
«Бул факты каттоого алынып, окуя болгон жерге ыкчам-тергөө тобу чыгып тергөөгө чейинки текшерүү иштери башталган. Текшерүүнүн жүрүшүндө маркумдун жансыз денесине соттук медициналык экспертизанын өткөрүүдөн ата-энеси жана жакын туугандары баш тартышкандыктан, сырттан кароо жүргүзүлүп, туугандарына өткөрүлүп берилген»,- деп айтылат маалыматта.
Учурда тергөөгө чейинки текшерүү иштери уланууда.
Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.
