Муфтият Курман айтты кантип белгилөөнүн тартибин түшүндүрдү
Кыргызстанда 6-июнь күнү Курман айт майрамы белгиленет. Арапа күнү 5-июнга туура келип, бул күнү мусулмандар дуба кылышат.
Кыргызстан мусулмандарынын дин башкармалыгы курмандык чалууну туура өткөрүү тартибин түшүндүрдү.
Курман айт – бул боорукерликтин, ырайымдуулуктун, кайрымдуулуктун, жакындарга кам көрүүнүн жана жакшылыктын майрамы. Бул күндөрү жетим-жесирлерге, карыган ата-энелерге, муктаждарга, мүмкүнчүлүгү чектелген адамдарга жардам берүү абзел.
Зуль-хижжа айынын алгачкы он күнү өзгөчө күндөр болуп эсептелет. Бул ай 29-майда башталат. Арапа күнүндө орозо кармоо – сүннөт амал, ал мурунку жана азыркы жылдагы күнөөлөр үчүн кечирим болуп эсептелет.
Курмандыкка жарактуу мал: Курмандык чалуу үчүн ири мүйүздүү мал – төө, уй, кой жана эчки жарактуу. Жапайы бугу, кулжа жана теке жараксыз. Аттар, анын ичинде яктар да курмандыкка чалынбайт.
Төөнүн жашы 5 жаштан чоң болушу керек. Уй 2 жаштан өткөн болушу шарт. Кой жана эчки 1 жаштан улуу болушу зарыл.
Курмандыкка чалынуучу малдын денеси бүтүн болушу керек. Сокур, өтө картайган, оорулуу, өтө арык, кулагы же куйругу кесилген, жаракат алган мал курмандыкка жарабайт. Бирок кулагы же куйругу жеңил жаракат алган, же бир аз кесилген болсо жарактуу.
Кой менен эчкини бир адам өз атынан чала алат. Ал эми төө менен уйду жети адам чогулуп, бирок жете жылдан ашпоого тийиш, бирге чала алышат.
Курмандыкка чалынган малдын этин толугу менен садака кылса болот. Бардыгын өзү алып калууга да болот. Бирок эң жакшысы – эттин үчтөн бирин садака кылып, үчтөн бирин тууган-урук, досторду коноктоп, калган үчтөн бирин өзүнө калтыруу саналат.
Малдын терисин, этин, жүнүн же баш терисин сатууга болбойт.
Айт намазы кимдерге парз:
Эркин, ден соолугу чың, акыл-эси толук, чоң адамдарга;
Сапарга чыкпаган адамдарга;
Мечитке өз алдынча бара алган адамдарга.
Айт күнү үчүн сунуштар:
Намаз окуй электе эч нерсе жебеңиз;
Айт түнү дуба кылуу сунушталат;
Колуңуздан келсе кайрымдуулук кылыңыз;
Мусулмандарды куттуктап, салам айтыңыз.
Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.
