Президент жаңы жарлыкка кол койду: Салык кызматы менен Бажы кызматы Каржы министрлигинин карамагынан чыгарылды
Кыргызстандын президенти салык жана бажы тармагындагы мамлекеттик башкаруунун айрым маселелери тууралуу №205 Жарлыкка кол койду. Жарлыктын максаты — салыктык администрациялоонун натыйжалуулугун жогорулатуу жана бажы иши боюнча ыйгарым укуктуу мамлекеттик органдын ишмердүүлүгүн оптималдаштыруу, деп жазат "Тазабек" басылмасы.
Жарлыктын негизги пункттары:
Төмөнкү органдар түзүлдү:
Министрлер кабинетине караштуу Мамлекеттик салык кызматы (мурдагы Салык кызматы менен спирт жана алкогол боюнча агенттиктин негизинде);
Министрлер кабинетине караштуу Мамлекеттик бажы кызматы (мурдагы Бажы кызматынын негизинде).
Кошумча өзгөртүүлөр:
2021-жылдын 5-майындагы №114 Жарлыкка өзгөртүү киргизилди: Министрлер кабинетине караштуу ведомстволордун тизмесине Салык кызматы жана Бажы кызматы кошулду.
2022-жылдын 8-июлундагы №222 Жарлыктын спирт боюнча мамлекеттик монополияга тиешелүү 3–6-пункттары күчүн жоготту деп табылды.
Министрлер кабинети 2 айдын ичинде төмөнкүлөрдү аткарышы керек:
Салык кызматына пробирдик көзөмөл функцияларын өткөрүп берүү (баалуу металлдар жана таштар боюнча апробация, клейм коюу, экспертиза);
Бардык чечимдерин жаңы Жарлыкка ылайык келтирүү;
Тиешелүү уюштуруу чараларын көрүү.
Аткарылышын көзөмөлдөө — Президенттин Администрациясына жүктөлдү.
Жарлык расмий жарыяланган күндөн тартып күчүнө кирет.
Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.
