Мас абалында каралган айдоочу камераны көргөндөн кийин тааныштарына чалууну токтоткон
Бишкекте дагы бир айдоочу мас абалда рулга отурганы аныкталды.
«Сафари» кыймылынын маалыматы боюнча, 24-сентябрда NOX түнкү клубунун жанында «Рендж Ровер» автоунаасы токтотулган. Патрулдук милиция кызматкерлери айдоочу алкоголдук ичимдик ичкен болушу мүмкүн деп шектенишкен. Аны наркологияга жеткирүү чечими кабыл алынган.
«Процесс жүрүп жатканда айдоочу кызматкерлерге басым жасоого аракет кылып, үчүнчү тараптарга телефон чала баштады. Бирок биз баштаган видеого тартуу аракетибиздин аркасында ал процедурадан расмий түрдө өтүүгө аргасыз болду. Наркологдун тыянагы боюнча айдоочунун мас абалда экени тастыкталды», — дешти жарандык активисттер.
Машине айып короого токтотулду.
Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.
