Римде Чыңгыз Айтматовдун эстелиги орнотулду
27-февралда Италиянын борбору Рим шаарында кыргыз жазуучусу Чыңгыз Айтматовдун эстелиги ачылды. Бул тууралуу социалдык тармактарда анын келини, Эльдар Айтматовдун жубайы Сабира Айтматова билдирди, жазат "АКИпресс" басылмасы.
Анын айтымында, Кыргызстаннын Италиядагы элчиси Таалай Базарбаев бул долбоорду ишке ашыруу үчүн үч жыл бою эмгектенген. Эстеликтин автору – Кыргызстандын тумары Алексей Морозов.
«Бул тарыхый окуяга катышып, Чыңгыз Айтматовдун ысымы Кыргызстандан алыс жактарда да татыктуу бааланып жатканын көрүү биз үчүн чоң сыймык. Анын чыгармалары дүйнө жүзүндө жогору бааланат жана бүгүн эстеликтин ачылышы – анын Италияда да терең урматталаарын жана кадырланарын айкындаган жаркын далил», – деп жазды Сабира Айтматова.
Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.
