Бишкекте 36 жаштагы жаран кызын сабоого шектелип кармалды

Бишкек шаарында Ленин райондук ички иштер башкармалыгынын басма сөз кызматы 15-декабрда билдиргендей, өспүрүм кыздын арызынын негизинде бир жаран кармалды.

14-декабрда борбор калаанын тургуну милицияга кайрылып, мурдагы күйөөсүнө карата чара көрүүнү суранган. Аялдын айтымында, ал 2009-жылы туулган кызын бир аз убакытка атасына жиберген. Бирок бир канча убакыт өткөн соң кызы андан атасы сабап жатканын билдирген билдирүү алган. Окуядан кийин өспүрүм кыз атасынын үйүнөн чыгып кеткен.

Бул факт боюнча сотко чейинки текшерүүнүн алкагында тиешелүү экспертизалар дайындалып, ошол эле учурда дайынсыз болуп кеткен өспүрүм кызды издөө иштери башталган.

Кийинчерээк өспүрүм кыз табылып, апасына өткөрүлүп берилген. Ал эми анын атасы — 1989-жылы туулган Т.А. аттуу жаран кармалып, Ленин райондук ички иштер башкармалыгынын убактылуу кармоо жайына киргизилди.