Милиция 14 жаштагы баланы табууга көмөктөшүүнүн суранат

Ош облусунун Кара-Суу районунда 14 жаштагы бала 3 күн мурун мектепке кеткен боюнча дайынсыз. Бул тууралуу Ош ОИИБдин басма сөз кызматы билдирди.

Маалыматка караганда, 2025-жылдын 15-мартында Кара-Суу районунун ички иштер бөлүмүнө Мады айылынын 1982-жылы туулган Г.К. аттуу тургуну  арыз менен кайрылган. Анда 2011-жылдын 22-сентябрында  туулган Мухамадазиз Юсупов аттуу уулу 2025-жылдын 14-мартында мектепке кеткен бойдон дайынсыз болуп жаткандыгын билдирген.

«Бул факты Кара-Суу райондук ички иштер бөлүмүнө  каттоого алынып, топтолгон материалдын негизинде ыкчам-издөө иш-чаралары  башталган. Жогорудагылардын негизинде дайынсыз болуп жаткан  2011-жылы туулган Мухамадазиз Юсупов тууралуу кандайдыр бир маалымат болсо төмөнкү телефон номерлери аркылуу кабарлоону суранабыз»,- деп айтылат маалыматта.

Кийген кийимдери: үстүндө кара спорттук кийим, оң көкүрөгүндө БМВ автоунаасынын эмблемасы бар. (сүрөттөгү кийим)

Өзгөчө белгилери: чачы кара, өңү саргыч, боюнун узундугу 160-165 см. 

Байланыш тел: (03222) 5-31-19, моб:0702 01 10 10, 0553 54 10 10.