Кыргызстанда адамдар эң көп кайсы оорудан каза болушат?
Быйыл 5 айдын аралыгында Кыргызстанда 13 миң 103 адам каза болгон. Мындай маалыматты Улуттук статистика комитети билдирди, деп жазата "Баракелде" басылмасы.
Өлүмдүн эң көп учуру Бишкекте катталган — 2342 учур, Жалал-Абад облусунда — 2228, Чүй облусунда — 2185 жана Ош облусунда — 2155. Ош шаарында 746 адам, Ысык-Көл облусунда — 1278, Баткенде — 938, Нарында — 669, Таласта — 562 адам каза болгон.
Өлүмдүн негизги себеби — кан айлануу системасынын оорулары. Ага жалпы бардык учурлардын жарымынан көбү (6876 же 52,5%) туура келет. Экинчи орунда — шишик оорулары (1584 учур же 12,1%). Ошондой эле эң көп таралган себептердин катарында — дем алуу жана тамак сиңирүү органдарынын оорулары бар. COVID-19дан эки адам каза болгон.
Өлүм себептери
Кан айлануу системасынын оорулары — 6 876 учур же 52,5%;
Жүрөктүн ишемиялык оорусу — 4 056 учур анын ичинде курч миокард инфаркты — 523 учур;
Мээнин кан тамырлары жабыркаган оорулар — 1 358 учур;
Гипертониялык оору — 356 учур;
Рак — 1 584 учур же 12,1%;
Классификацияланбаган өлүм — 960 учур же 7,3%;
Тышкы себептер —850 учур же 6,5%;
Транспорттук кырсыктар — 325 учур;
Атайылап өзүнө зыян келтирүү — 114 учур;
Сууга чөгүү — 29 учур;
Кол салуулар — 21 учур;
Алкоголдон уулануу — 20 учур;
Дем алуу органдарынын оорулары — 761 учур же 5,8%;
Пневмония — 304 учур;
КРВИ — 10 учур;
Грипп — 4 учур;
КРВИ (дем алуу жолдору) — 1 учур;
Тамак сиңирүү органдарынын оорулары — 574 учур же 4,4%;
Өнөкөт гепатит — 12 учур;
Перинаталдык мезгил — 448 учур же 3,4%;
Эндокриндик оорулар — 312 учур же 2,4%;
Кант диабети — 225 учур;
Нерв системасынын оорулары — 267 учур же 2%;
Менингит — 8 учур;
Жугуштуу жана мите курт жараткан оорулар —176 учур же 1,3%;
Кургак учук — 62 учур;
Өнөкөт вирустук гепатит — 59 учур;
ВИЧ — 10 учур;
Ичеги инфекциялары — 7 учур;
Туулгандан кийинки кемчиликтер — 144 учур же 1,1%;
Репродуктивдүү органдардын оорулары — 103 учур же 0,8%;
Өнөкөт бөйрөк жетишсиздиги — 30 учур;
COVID-192 (лабораториялык ырасталган) — 1 учур;
Вирус аныкталган эмес — 1 учур.
Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.

