Улуттук спортту даңазалаган улуу оюндарга даярдык

2026-жылдын 31-августунан 6-сентябрына чейин өтө турган VI Дүйнөлүк көчмөндөр оюндарына дүйнөнүн 112 өлкөсүнөн, анын ичинде Австралия, Азербайжан, Армения, Аргентина, Бангладеш, Бахрейн, Грузия, Индия, Индонезия, Иран, Испания, Казакстан, Монголия, Польша, Орусия, АКШ, Өзбекстан жана башка мамлекеттерден 3 миңге чукул спортчулардын катышаары күтүлүүдө. Бүткүл дүйнөлүк көчмөндөр оюндары жөнүндөгү Жобого ылайык, программага спорттун 42 түрү киргизилген. Негизги спорттук таймаштар Ысык-Көлдүн Кырчын жайлоосунда жана Чолпон-Атадагы ат майданда уюштурулат.

Учурда Ош облусунун спортчулары улуттук курама команданын курамында катышуу үчүн кызуу даярдыктарды көрүп жатышат. Учурда өлкөнүн башкы улуттук курама командалары Чолпон-Атада жана Бостериде акыркы машыгуу жыйындарын өткөрүүдө, алардын арасында Ош аймагынан чыккан мыкты балбандар жана чабандестер бар.

Ош облустук дене тарбия жана спорт башкармалыгынын башчысы Айбек Камаловдун маалыматы боюнча, облустук уюштуруу комитети тарабынан бекитилген планга ылайык, аймактан тандалган мыкты спортчулар улуттук спорттун бир нече негизги түрлөрү боюнча өлкө намысын коргошу күтүлүүдө.

Алардын катарында Турганбаев Мирбек (Кара-Кулжа району,  “Салбуурун”), Майлыбашев Таштемир (Кара-Кулжа району, “Көк- Бөрү”),  Султанов Исамидин (Араван району, “Алыш күрөшү”), Мокеев Закир Дөдүевич (Өзгөн району, “Аркан тартыш”, “Кол күрөшү”, “Таяк тартыш” 84 кг.), Рахманалиева Миргүл (Чоң-Алай району, “Жаа атуу”, “Салбуурун” 56 кг. ), Абидинов Баяман (Ноокат району, “Алыш күрөшү” 60 кг. ), Сапаров Роман (Ноокат району, “Спорттун классикалык түрү” 60 кг. ), Сагынали уулу Иманали (Ноокат району, “Спорттун классикалык түрү” 100 кг+, Исамидинов Бабуржон (Өзгөн району, “Аркан тартыш”), Норматов Икболжан (Өзгөн району, “Аркан тартыш”), Исроилжон уулу Исломжон (Өзгөн району, “Аркан тартыш”), Дехканов Махмутжон (Өзгөн району,  “Аркан тартыш”), Касымов Файзуллохожа (Өзгөн району, “Аркан тартыш”), Кохраманжан уулу Нематилло (Өзгөн району, “Аркан тартыш”), Колдошев Омонилло (Өзгөн району, “Аркан тартыш”), Хурулов Носиржон (Өзгөн району, “Аркан тартыш”), Токтосунов Мухаммадамин (Өзгөн району, “Аркан тартыш”), Токсонбаев Абдулмуталлиб (Өзгөн району, “Аркан тартыш”), Ниязов Манас (Өзгөн району, “Көк-Бөрү”), Ниязов Кыяз (Өзгөн району, “Көк-Бөрү”), Абдырахманов Турдукул (Өзгөн району, “Эр- эңиш”), Абдукаимов Ахрорбек (Өзгөн району, “Алыш күрөшү”), Абдыкаимов Аброр (Өзгөн району, “Бел боо күрөшү”), Адахамов Хикматилло (Өзгөн району, “Аркан тартыш”) бар. 

Спортчулардын катышуусу күтүлгөн негизги спорт түрлөрү

Ош облусунан жана Ош шаарынан төмөнкү улуттук спорттун түрлөрү боюнча спортчулардын катышуусу күтүлүүдө:
Көк бөрү жана Көкпар: Кыргызстандын курама командасына Ош облусунун  намысын коргоп жүргөн белгилүү улакчылар жана аттар тандалып алынган. Учурда командалар атайын машыгуулардан өтүп жатышат.

Ат чабыш (Алыс аралыкка чабыш, Жорго салыш): Ош облусунун райондорунан (өзгөчө Алай, Чоң-Алай, Өзгөн) чыккан күлүктөр жана тажрыйбалуу саяпкерлер ат үстүндөгү мелдештерге катышат. 

Алыш жана Кыргыз Күрөшү: Ош облусу — бел боо күрөшүнүн (алыш) очогу. Бул спорттун түрү боюнча эл аралык аренада таанылган Оштук балбандар алтын медаль үчүн негизги талапкерлерден болуп саналат.

Тогуз коргоол жана Ордо: Логикалык жана стратегиялык оюндар боюнча Ош аймагынан тандалган мергендер жана гроссмейстерлер курамага кошулган.

Таяк тартыш (Мас-рестлинг): Бул багытта да жергиликтүү спортчулар күчтүү даярдыктан өтүштү.

Улуттук күрөш жана Алыш: Бел боо күрөшү, алыш күрөшү боюнча Ош мектебинин балбандары өлкө ичиндеги тандап алуу иш-чараларында алдыңкы орундарды ээлеп, дүйнөлүк көчмөндөр оюндарына жолдомо алышкан. 

Тогуз коргоол жана Ордо: Интеллектуалдык жана улуттук тактикалык оюндар боюнча облустун чеберлери катышат.

Маданий жана даярдык иш-чаралары

«Биримдик кербени» улуттук жүрүшү: Дүйнөлүк көчмөндөр оюндарынын алкагында Ош облусунун Ак-Буура суусунан жана райондордун ыйык булактарынан суу алынып, атчандар кербени аркылуу Бишкекке — оюндардын ачылыш аземине жөнөтүлгөн. Көчмөндөр айылы: Кырчын жайлоосундагы этношаарчага Ош облусунан жалпы 15 боз үй тигилип, анда облустун өнөрпоздору, кол өнөрчүлөрү жана салттуу каада-салтты чагылдырган командалары жана спорттун түрлөрү боюнча тандалган спортчулар бирдиктүү улуттук формада мелдешке катышышат.

А.МАТИЕВА.

Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.

Бөлүшүңүз:
Дагы окуңуз:

Комментарий калтырыңыз

Каттоодон өткөн гана окурман комментарий калтыра алат.
Каттоодон өтүңүз же сайттан авторизация кылыңыз