2030-жылга чейин Кыргызстанда 65 жаш жана андан улуу курактагы жарандардын үлүшү 7%га жакындайт
Бириккен Улуттар Уюмунун божомолу боюнча, 2030-жылга чейин Кыргызстанда 65 жаш жана андан улуу курактагы жарандардын үлүшү 7%га жакындайт. Бул тууралуу Улуттук статистика комитети билдирди.
2026-жылдын башына карата өлкөдө бул курактагы 475 миңден ашык адам бар — бул калктын 6,4%ын түзөт. Мекеме келтирген БУУнун классификациясына ылайык, Кыргызстан калктын карылык босогосунда турат.
Республикада эмгекке жарамдуу курактан өткөн жалпысынан 737 миң адам же калктын 10%ы жашайт. Акыркы беш жылда алардын саны 146 миңге же 25%га өскөн. Бул көп сандагы 1960-жылдардагы муундун пенсияга чыгышы менен байланыштуу.
Эмгекке жарамдуу курактан өткөн жарандардын арасында 63 жаштан жогору 244 миң эркек жана 58 жаштан жогору 493 миң аял бар. Бул тайпада аялдар эки эсе көп, мунун себеби жашоонун узактыгы жана пенсияга эртерээк чыгышы менен байланыштуу.
Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.

