Өзгөндө 1 гектар жер мамлекетке кайтарылды
Жалпы аянты 1,08 гектар жер тилкеси Өзгөн шаардык мэриясынын балансына кайтарылды.
Атайын кызматтан билдиргендей, УКМК мамлекеттик мүлктү кайтарып алуу боюнча жүргүзүлүп жаткан иш-чаралардын натыйжасында Өзгөн шаарынын борборунда жайгашкан жалпы аянты 1,08 гектар жер тилкеси мыйзамсыз түрдө жеке менчикке өткөнүн аныктады.
«Сотко чейинки өндүрүштүн алкагында Өзгөн шаарынын мурдагы мэри С.А.С. тарабынан мыйзамсыз токтом чыгаргандыгы боюнча иш козголду. Ошол эле учурда соттук териштирүүдө Ош облустук соту 1,08 гектар жер тилкесин мамлекеттин менчигине кайтаруу боюнча чечим чыгарды»,- деп айтылат маалыматта.
Учурда аталган жер тилкеси Өзгөн шаардык мэриясынын балансына кайтарылды.
Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.
