Түндүк Кореяда аскердик кемени түшүрүү учурунда кырсык болду. Ким Чен Ын жооптууларды шалаакылыкка айыптады.
Түндүк Кореянын Чхонджин шаарындагы кеме куруучу заводдо 5 миң тонналык жаңы эсминецти сууга түшүрүү маалында кырсык болду. Бул тууралуу Кореянын Борбордук Телеграф агенттиги (ЦТАК) кабарлады. Салтанатка Түндүк Кореянын лидери Ким Чен Ын өзү катышкан, деп жазат "CentralAsiа" басылмасы.
Агенттиктин маалыматына ылайык, кеменин арт жагындагы түшүрүү арабасын алдын ала багыттоочулардан чыгып кетип, тоскоолдукка урунуп, мунун натыйжасында кеме суунун тайыз жери менен калып калган. Ошол учурда кеменин мурун жагы стапелден түшө элек болчу. Кырсыктын натыйжасында кеменин түбүнүн айрым бөлүктөрү жабыркап, кеменин тең салмактуулугу бузулган.
Ким Чен Ын бул кырсыкты «жоопкерсиздиктен улам келип чыккан, жол берилгис оор жана кылмыштуу шалаакылык» жана «илимден тышкары эмпиризм» деп атады. Ал болгон окуя үчүн жоопкерчиликти партиянын Борбордук Комитетинин Коргонуу өнөр жай бөлүмүнө, Ким Чак атындагы Политехникалык университетке, Борбордук кеме долбоорлоо институтуна, Чхонджин кеме куруучу верфине жана заводдун кызматкерлерине жүктөдү.
Ким Чен Ын июнь айында өтө турган Партиянын Борбордук Комитетинин пленумуна чейин эсминецти оңдоону талап кылды. Ал бул маселени КЭДРдин аброю менен түз байланышкан деп белгиледи.
Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.
