12 күндүк мэр: Балыкчынын "популярдуу" мэри кызматтан кетти
Кермалиев Султан Шарипканович Ысык-Көл облусунун Балыкчы шаарынын мэри кызматынан бошотулду.
Тиешелүү буйрукка президент Садыр Жапаров кол койду.
Кермалиев бул кызматты болгону 12 күн аткарган — ал 2-июлда дайындалган эле.
Буга чейин ал маалымат каражаттарына берген маегинде дайындалгандан бери үчүнчү суткасы уктабай жатканын айткан, анткени телефон чалуулар токтобой жатканын билдирген. Балыкчынын пляжы тууралуу суроого жооп берип жатып, ал Зевс менен Посейдондун фигураларын атайын тандаганын, анткени «хайп болорун билгенин» айткан. Ошондой эле ал өзүн тамаша иретинде «каалаган учурда алып кетиши мүмкүн» деп кошумчалаган.
Кийинчерээк президент Садыр Жапаров анын социалдык тармактарда сынга алынган маегине комментарий берген. «Убакыт берели, этика оңолбосо, анан көрөбүз», — деген президент.
Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.
