Алайдагы айтышта Чыңгызхан Кожошев баш байгени - Ош шаарынан бир бөлмөлүү батир утту ФОТО

Бүгүн, 12-сентябрда, Алай районунун Калама жайлоосунда Алымбек датканын 225 жылдык мааракесине арналган эл аралык айтыштын финалдык туру өттү.

Финалга чыккан 8 жуп акындын арасынан Чыңгызхан Кожошев мыкты деп табылып, гран-принин жеңип алды. Ага Ош шаарынан бир бөлмөлүү батир бериле турган болду. Сыйлык Алай райондук стадионунда президенттин катышуусунда тапшырмалары белгилүү болду.

Байге фонду 6 млн сомдук төкмө акындардын айтышы кечээ 11-сентябрда башталып, тандоо туру өткөн. Ал алгач алым сабак форматында жүрүп, жыйынтыгында 16 кыргыз акыны иргелип чыккан. Жарым финалда алар 4 казак акыны менен күч сынашкан. Андан соң калыстар тобу тарабынан упай эсебинин негизинде жогорку көрсөткүчкө жеткен 8 акын финалдык турга жолдомо алган. Жыйынтыгында:

• 3-орун – Жылдызбек Төрөканов (200 миң сом);

• 2-орун – Кутман Садыбакасов (300 миң сом);

• 1-орун – Изат Айдаркулова (500 миң сом) болуп бөлүштүрүлдү.

Жеңүүчүлөргө сыйлык тапшыргандар Мамлекеттик катчы Марат Иманкулов, Ош облусунун башчысы Эльчибек Джантаев, Жогорку Кеңештин депутаттары калган катышуучуларга да акчалай белектерди беришти.