Депутат Президенттин облустардагы өкүлчүлүктөрүн жоюуну жактады
Губернаторлор (облостордо президенттин өкүлдөрү) керекпи деген суроо менен Жогорку Кеңештин «Ишеним» фракциясынан депутат Нурбек Сыдыгалиев 23-сентябрда Конституциялык мыйзам чыгаруучу комитеттин жыйынында Мамлекеттик кызмат жана жергиликтүү өз алдынча башкаруу боюнча мамлекеттик агенттиктин директору Кудайберген Базарбаевге кайрылды.
Чиновник жооп берип: «Азыр структура ушундай» деди.
Сыдыгалиев белгилегендей: «Менин оюмча, алар кереги жок. Бул институтту жоюу керек. Премьер-министр менен президент 40 райондун акимдери менен түз иштешүүсү зарыл. Губернаторлор кандай иш алып барышат?»
Комитет ошол учурда айыл өкмөт башчылыгына ошол эле айылдан чыккан адамды шайланууга уруксат берген мыйзам долбоорун карап жатты.
Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.
