Онкологдор рактын өнүгүшүнүн негизги себептерин аташты

Бишкекте Бүткүл дүйнөлүк ракка каршы күрөшүү күнүнө карата «Билим — күч: ракка каршы бирге күрөшөбүз» аттуу илимий-практикалык конференция өттү.

Иш-чаранын жүрүшүндө онкологиялык оорулардын пайда болуу себептери тууралуу маалымат берилди. Рак эпидемиологиясы боюнча жүргүзүлгөн изилдөөлөр көрсөткөндөй, учурлардын 90–95%ы айлана-чөйрөдөгү канцерогендик факторлорго жана жашоо образына байланыштуу.

Алардын ичинде:
    •    тамеки тартуу — бардык рак түрлөрүнүн болжол менен 30%ынын себеби;
    •    тамактануунун өзгөчөлүктөрү — 35%;
    •    жугуштуу агенттер — 10%;
    •    кесиптик канцерогендер — 4–5%;
    •    иондоштуруучу нурлануу — 4–5%;
    •    ультрафиолет нурлануусу — 2–3%;
    •    алкоголдук ичимдиктерди колдонуу — 2–3%;
    •    абанын булганышы — 1–2%;
    •    репродуктивдик факторлор — 4–5%;
    •    төмөн физикалык активдүүлүк — 4–5%;
    •    гормоналдык факторлор — 2–3%.