Кыргызстан 2028-жылкы футзал боюнча Азия чемпионатын өткөрүү боюнча арыз берди

Кыргызстан футзал боюнча Азия кубогун 2028-жылы өткөрүүгө расмий талапкерлигин койду.

Кыргыз футбол биримдиги Азия футбол конфедерациясына (АФК) 2028-жылдагы футзал боюнча Азия кубогун Кыргызстанда өткөрүү боюнча расмий арыз тапшырды.

Футзал боюнча Азия кубогу континенттеги ири мелдештердин бири болуп саналат. Турнирге 16 улуттук курама команда катышат.

Кыргыз футбол союзу талапкерликке берилген арыздын алкагында АФКга турнирди өткөрүү боюнча комплекстүү концепциясын сунуштады. Анда спорттук объектилер, машыгуу аянтчалары, мейманканалардын инфраструктурасы, ошондой эле өлкөнүн транспорттук жана логистикалык мүмкүнчүлүктөрү камтылган.

Арыз АФКнын бардык талаптарына ылайык даярдалган.

Кыргызстандын инфраструктурасын жана турнирди өткөрүүгө даярдыгын баалоо үчүн АФКнын өкүлдөрү 30-сентябрдан 2-октябрга чейин өлкөгө инспекциялык сапар менен келери пландалууда.

Сунушталган документтер жана инспекциянын жыйынтыктары каралгандан кийин 2028-жылдагы футзал боюнча Азия кубогун кайсы өлкө өткөрөрү тууралуу акыркы чечим кабыл алынат.

Кыргызстан буга чейин футзал боюнча Азия кубогунун тандоо баскычынын беттештерин үч жолу өткөргөн. Футбол союзунун маалыматына караганда, бул тажрыйба өлкөдө футзал боюнча эл аралык мелдештерди өткөрүү боюнча тажрыйба бар экенин көрсөтөт.

Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.

Бөлүшүңүз:
Дагы окуңуз:

Комментарий калтырыңыз

Каттоодон өткөн гана окурман комментарий калтыра алат.
Каттоодон өтүңүз же сайттан авторизация кылыңыз