Жоламан Шаршенбеков дүйнөлүк чемпионатка барбайт
Кыргызстандын грек-рим күрөшү боюнча курама командасынын лидерлеринин бири Жоламан Шаршенбеков Астанадагы 2026-жылкы дүйнө чемпионатына барбайт.
Бул тууралуу спортчу Жапониядан Бишкекке келгенден кийин журналисттерге билдирди. Ал Азия оюндарында алтын медаль уткан.
«Биз машыктыруучулар штабы менен кеңешип, Астанада өтө турган дүйнө чемпионатын өткөрүүнү чечтик. Жакшы даярданып, 2027-жылы АКШда өтө турган лицензиялык дүйнө чемпионатына катышууну каалайбыз», - деди Шаршенбеков.
Шаршенбеков эки жолку дүйнө чемпиону (2022, 2023) болгон, ошондой эле эки жолу финалга чейин жеткен (2018, 2021).
Учурдагы дүйнө чемпиону казакстандык Айдос Султангали болуп саналат.
Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.

