Мечиттеги жарылуу: 3 адам каза болуп, 6 адам жабыркады
Өзбекстандын Анжиян облусунун Избаскан районундагы мечиттин дааратканасында болгон жарылуудан үч киши каза болуп, 10 киши жабыркады. Бул тууралуу Өзбекстандын Өзгөчө кырдаалдар министрлигинин басма сөз кызматы билдирди.
Газ-аба аралашмасынын жарылуусу дүйшөмбү күнү саат 12:19да «Мирзо Улугбек» махалласындагы имаратта болгон. Алгач алты адам жабыркаганы кабарланган.
Окуя болгон жерге эки куткаруучу топ жана эки өрт-куткаруу тобу жөнөтүлдү. Өзгөчө кырдаалдар министрлигинин маалыматы боюнча, имараттын дубалдары жана чатыры урап калган.
Жарылууга байланыштуу иликтөө иштери жүргүзүлүүдө.
Кечээ, 31-мартта Андижандагы мечиттердин биринде жарылуу болуп, 6 адам жабыркаганы кабарланган.
Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.
