Шашылыш билдирүү: 17-19-июнь күндөрү 41 градустан жогору ысык болот
Кыргызстандын аймагында 17-19-июнь күндөрү аба ырайы абдан ысык болуп, абанын максималдуу температурасы акырындык менен жогорулай турганы күтүлөт. Бул тууралуу Кыргызгидрометтен билдиришти.
Чүй, Ош, Жалал-Абад, Баткен облустарынын өрөөндүү аймактарында күндүз абанын температурасы +39...+41° чейин көтөрүлөт. Талас облусунун өрөөнүндө болсо +36...+38° чейин жетет.
Мындай ысык аба ырайында организмдин суусузданышынан жана күн өтүүдөн сактануу үчүн түз күн нурунан оолак болуу, ошондой эле айыл чарба өсүмдүктөрүн көп сугаруу сунушталат.
Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.
