Нурлан Мотуев 5 суткага камалды
Бишкек шаарынын Свердлов райондук соту 9-июлда Нурлан Мотуевге карата чечим чыгарды.
Свердлов РИИБинин басма сөз кызматы маалымдагандай, 8-июлда милиция кызматкерлери Мотуев менен профилактикалык иш-чараларды өткөрүп жаткан учурда, ал укук коргоо органдарынын кызматкерлерин сөгүп, уят сөздөрдү айткан. Ушуга байланыштуу ага карата Кыргыз Республикасынын Бузуулар жөнүндө кодексинин 126-беренеси («Майда бейбаштык») боюнча протокол түзүлгөн.
Свердлов райондук соту аны күнөөлүү деп таап, 5 суткага камакка алуу чечимин чыгарды.
Бул Мотуевдин алгачкы кармалуусу эмес.
Ката көрсөңүз кабарлаңыз – ката сөздү (сүйлөмдү) белгилеп, Ctrl+Enter-ди басыңыз. Ошентип, текстти тууралаганга жардам бересиз.
